大陸遇勁敵　郭富城同9歲新疆男童舞鬥
04月19日(六) 20:31【on.cc東網專訊】 舞王郭富城（城城）日前現身大陸舞蹈節目擔任導師，並即場大騷歌喉和舞技，呢次城城舞出架勢，令觀眾拍案叫絕！

天王駕臨跳舞，當然要露兩手，佢表演經典嘅「櫻花舞」令大家重拾當年情。同時，城城不忘喺節目中騷演技，令台下女觀眾暈得一陣陣，影帝真是影帝！

而喺節目參賽者之中，最令人矚目嘅莫過於嚟自新疆9歲男仔蘇來提，雖然年紀細細但完全唔怯場，跳起舞嚟仲勁度十足，令台上嘅城城企起身讚不絕口，唔通城城想再落舞台露兩手？不過唔知蘇來提日後有冇機會接城城班呢？