郭富城被老師罰捉蚊：咬到變豬頭
10月04日(六) 23:31【on.cc東網專訊】 天王郭富城出席母校慈幼小學60周年晚宴，穿上西裝打扮得官仔骨骨，獲頒傑出學生獎。城城表示有時會揸車到母校附近兜風，小時候已相當活潑，更代表學校和其他學校比賽：「講你都唔信，我係玩跳高同跳遠，個國際學校學生高我兩個頭，不過我都贏咗佢，跳遠仲係冠軍！」但慨嘆沒有和小學同學聯絡。
他又自爆被罰的趣事：「我細個都幾百厭，有少少反叛。當時學校有個花園好多蚊，老師就罰我要入去捉50隻蚊，要徒手打死啲蚊，最後梗係成功啦，咬到我豬頭咁！」
從小就有備戰精神
城城在慈善拍賣會上用逾二萬元競投了一幅畫：「幅畫好有意義，叫《備戰》，我好鍾意呢個名，好似我細細個讀書已經培養咗呢個精神。」
對於舊愛熊黛林的言論遭網民攻擊，他說：「唔好話係別邊個，希望無論任何人都有發言權，我不作評論。」

郭富城砌屋仔畀史諾比瞓覺覺豬
08月21日(四) 14:43【on.cc東網專訊】 近日一班藝人繼續響應Ice Bucket Challenge（冰桶挑戰），當中莫過於天王郭富城！粉絲都十分期待「找數」嘅一刻﹗但佢今日喺微博上就表示：「水一早玩個（過）夠了！行善有如水一樣，可以有形，可以無形，當下我手中無冰，心中有冰，支持ALS，亦決定以捐錢回謝友好向我挑機之善心，亦坐言起行了。」隨後城城亦上載一張捐款收據，證明已經真金白銀咁找咗數。