Sources: TungStar /
郭富城撐志偉有心夠份量
10月24日 11:53【on.cc 東方互動 專訊】 下周生日的天王郭富城出席活動時被大會送上大型水晶蛋糕，對於舊愛熊黛林透過記者預祝他生日快樂，城城說：「多謝多謝，（佢話唔傳短訊畀你，費事畀人誤會佢藕斷絲連？）算啦唔好講喇，過咗去就算，唔想講，祝福佢幸福快樂，最緊要開心！」

對於其住所鄰居被爆格？他說：「我知，其實我屋企保安唔係差，但可能有漏洞，我住高層，有警鐘同紅外線，啲人唔怕死就入嚟啦！」

搵新會長有難度

近日無綫重播他演出的第一套劇集？城城表示拍畢該劇集後就獲徐克導演邀請拍第一套電影。對於香港電視發牌一事？他說：「發哥都嚟撐，其實香港就算再多三四個台都冇所謂，因為香港係大都會，政府應該要支持，同埋重新考慮，（曾志偉辭退演藝人協會會長？）好突然，（因為發牌件事有壓力？）其實多個電視台係好，有競爭先有進步，見到有咁多人上街就知道市民素求啦！（邊個做會長好？）志偉係一個有份量有心o既人，要搵另外一個唔係冇，但要適應期，（你有冇興趣做？）唔好喇，我咁忙，我做幕後支持者，要搵個年輕o既前輩級。」