Sources: MingPao /
城城開珠寶店延續爸爸心願
10月18日 21:41【on.cc 東方互動 專訊】 郭富城（城城）出席好友沈嘉偉有份投資的百貨旗艦店開幕，他直言已叫對方留定鋪位，他笑言：「知佢開百貨公司，近水樓台，自己朋友無理由唔留個靚位，細個嗰時爸爸賣首飾，我都想賣呢類型嘢，當某日去到某階段幕前工作減產就會做，希望十年後，會用爸爸間鋪個名，唔講住，怕畀人用咗。（做珠寶大亨？）唔係，延續爸爸心願。（搵賢內助幫手？）呢個唔講。」

同場有法國女星柯德莉塔圖，城城稱有見到對方並大讚她非常之靚，問會否期待跟對方合作？他直言：「等嘉偉穿針引線，同埋同我經理人傾吓，有好多外國投資中國電影，其實之前有荷里活編劇搵我，都要傾，我要睇劇本先，如果做壞人就無意思，中國人唔一定要做壞人，我係好隨緣心態。」

對於電影《變形金剛4》在港取景時被收陀地，他語重心長說：「都幾無謂，希望唔好對香港有影響，導演用幽默方法澄清件事，好有大導風範，唔影響到拍嘢就可以，其實香港好安全，可能我拍《寒戰》拍得太耐，變咗一哥上身，我係假一哥，呢個係個別事件，希望唔好再發生，如果再發生，政府就要做啲嘢。」