郭富城Jermaine Jackson合作：擔保好刺激
Posted on March 23, 2015 at 12:40 am
郭富城Jermaine Jackson合作：擔保好刺激
03月22日(日) 21:24 【
on.cc東網專訊】天王郭富城出席亞洲電影特別大獎典禮晚宴，獲頒亞洲傑出演員大獎，他興奮表示感到榮幸：「有幸遇到唔同電影獎項係一種鼓勵，電影就好似人生，不斷要學習，自己仲有進步空間。」他透露剛從大陸拍完《西遊記之孫悟空三打白骨精》回港：「啱啱拍完！拍咗四個月，最後一日拍咗成24小時，返到嚟都暈暈哋，會爭取時間同媽咪食飯先！」不過城城表示暫時未有假期，下月會為新戲試造型，又要為馬來西亞演唱會排練，忙到爆炸！
提到米高積遜（MJ）三哥Jermaine Jackson（杰明積遜）亦有同場，城城表示第一次見到對方，之前又跟Janet Jackson合作，覺得跟其家族很有緣，對於有傳他將跟Jackson家族成員合作，城城說：「希望啦！有呢個諗法，但暫時唔透露得，係都係音樂上合作。」
至於Jermaine Jackson表示有聽過城城的音樂，知道他跟妹妹Janet Jackson合作過：「今日見到佢，覺得佢幾Nice！會約佢食飯。」他又透露之後兩人或有合作計劃，但同樣是未能透露詳情：「擔保好刺激！（音樂？）可能！（跳舞？）都可能！」他又透露Jackson家族會繼續開巡迴騷，延續MJ神話。
想同李洙赫擦火花
另外，城城對於同場的韓星李洙赫表示想跟他合作，他表示無任歡迎：「都好丫！想同唔同地方演員合作，擦出火花！（想同邊位韓國女演員合作？）冇咩喎！（覺得冇靚女？）唔係，都好多好演員，但冇指定想同邊個合作，接戲通常係睇導演。」
郭富城「金剛棒」曝光
Posted on March 19, 2015 at 9:26 pm
大陸獲悉奪「傑出男」 郭富城周日回港領獎
03月19日(四) 19:41【on.cc東網專訊】 正身在無鍚拍攝星皓電影《西遊記之孫悟空三打白骨精》的郭富城，榮獲亞洲電影特別大獎典禮頒發的「亞洲傑出男演員」大獎，以表揚身為兩屆金馬影帝的郭富城對電影的貢獻與熱誠。
身在無鍚拍戲的郭富城在即將來臨的周日會親身回港領獎，對於獲獎的他表示：「演員努力、用心去演好每一個作品，最大心願係希望觀眾喜歡，得到獎項嘉許，當然係好大嘅鼓舞。不過，有冇獎都好，我都會用心拍好每個角色，因為我實在太喜歡演戲。」
郭富城「金剛棒」曝光
03月19日(四) 18:27 【on.cc東網專訊】 由郭富城、鞏俐、馮紹峰、羅仲謙演出的星皓電影《西遊記之孫悟空三打白骨精》目前拍攝進入了緊張的衝刺階段，片方率先發布唐僧四師徒法器海報，四款兵器海報設計氣勢磅礴各有意境，其中孫悟空所用的金剛棒一款海報以劃破長空亮相，並寫着「戰神一出 誰與爭鋒」充滿氣勢壓迫感。海報上亦終於披露電影將於2016年2月8日，在農曆猴年大年初一賀黃金檔歲檔上映。
另外，經過近四個月拍攝，扮演白骨精的鞏俐近日剛剛率先完成拍攝，還與工作人員紛紛合影留念告別，令正在埋頭苦幹拍攝的郭富城、馮紹峰、小瀋陽等羡慕不已。
經歷多咗想唱情歌 郭富城：特別夭心夭肺
Posted on March 12, 2015 at 10:34 am
郭富城冇畀媽咪催婚：佢都費事講喇！
03月12日(四) 00:41 【on.cc東網專訊】 郭富城晚上現身將軍澳電視城出席IFPI頒獎禮，憑演唱會原聲大碟榮獲去年本地最高銷量男歌手的城城，坦言已多年未有踏足電視城和接受音樂獎項，但有感今次的成功有賴所有台前幕後人員的努力，故正身在內地拍電影的他特地向劇組請假回港領獎。
同時又稱可以順道休息，他說：「套戲拍到今個月底就拍完，真係好辛苦，套戲我要做孫悟空，每日要用四至七個鐘頭化妝，黐到成身毛連食嘢都唔得，人都瘦咗，而且啲膠水黐響塊面太耐搞到我爛面，拍一日戲就好似做咗兩、三場演唱會咁攰，所以今次返嚟唱歌我覺得好輕鬆。」
今次獲獎後會否令城城想再推出新唱片？他直言：「我而家好隨心，有時間同有好歌當然想出，我都想唱吓情歌，覺得人生經歷多咗，唱出嚟特別夭心夭肺，我好似好乜嘢咁，但表達出嚟會好唔同。」
【抱抱財神沾旺氣】父愛泛濫城城撩小朋友玩
Posted on February 24, 2015 at 12:34 am
郭富城年三十行年宵 冇人認出！
02月23日(一) 14:40 【on.cc東網專訊】 天王郭富城現身尖沙咀出席開年活動，在台上收下五寶福袋，又與中西財神合照，並為醒獅點睛祝福香港市民。城城直言今年可以回港過年好開心：「又同屋企人食飯，又一齊去咗睇煙花，依三日食咗喺無錫拍戲嗰三個月食唔到嘅嘢。」他又勁讚媽咪煲燕窩足料，多到十足食飯一樣，更要打包回家。
城城自爆年三十去了行年宵：「同練馬師傾開，發現原來佢冇行過年宵，所以同屋企人食完團年飯之後，十二點就同練馬師一齊去咗維園。」他笑言自己出動特技化妝帶口罩行花市，所以未有市民認出，他又笑說在年宵見到好多新玩意，但當記者提點並非新鮮事時，他就自嘲「大鄉里」，問到有否去花檔「惹桃花」？他表示有經過花檔，桃花代表人緣，希望來年有更多人喜歡。
講到台上很多小朋友，城城就話將來的事隨緣，近期工作比較多，媽媽都會擔心他變瘦：「因為拍戲個特技化妝好難食嘢，所以瘦咗啲。（有人照顧你媽媽咪唔使擔心）咁我公司都有好好嘅同事照顧我架嘛！媽媽都唔會催我成家立室，但我都希望有依一日。」
【抱抱財神沾旺氣】父愛泛濫城城撩小朋友玩
建立時間: 0223 15:58
今日年初五，郭富城去到尖沙嘴海港城出席賀歲活動，著上金黃色棉襖，駕駛電單車上紅地毯，型爆現身。城城上台時見到財神，佢就風騷攬到實，狂沾旺氣，大會安排咗小朋友扮十二生肖出現，城城忍唔住撩小孩玩，父愛泛濫，佢仲主持敲鑼開巿儀式，大會向城城送上福袋同金元寶。
單身嘅城城見到可愛嘅小朋友，不停陪玩，仲抱起一位小朋友，城城搞笑話：「咁客氣，知我冇小朋友，送個仔畀我。」城城期間大派利是，問到喜歡小朋友嘅城城，幾時「造」人？佢話：「隨緣，今年都係電影為主，工作排到好密，四月又去大馬開演唱會，我想做多啲慈善嘢。」郭媽媽有冇催婚？城城話：「媽咪唔講呢啲，佢唔會催我，等上天安排，我都想自己將來成家立室，畀媽咪抱孫。媽咪只會叫我工作上小心啲，舊年我傷腳都未好番。」難道城城唔想婚後有人照顧？佢話：「公司助手照顧我好好。」
城城悟空騎羊迎挑戰
Posted on February 21, 2015 at 1:33 pm
Sources: OrientalDaily / MingPao /
孝順仔郭富城撲返屋企同阿媽過年
02月20日(五) 21:04 【on.cc東網專訊】 郭富城連日來在無錫趕拍大電影《西遊記之孫悟空三打白骨精》，城城視
孫悟空為他從影以來最具挑戰性的角色，劇組拍至除夕前才給他幾天假期陪母親過年，城城說：「我係一個好傳統嘅人，要同媽咪食齋團年、開年飯，仲會喺媽咪屋企睇煙花，呢啲都係開年嘅指定節目。」
城城以前愛大事布置家居，今年因太忙只好簡單處理，爭取時間休息，再回劇組拼搏，回顧馬年，城城認為成績理想，展望羊年能拍出更出色的電影，並為舉行世界巡迴演唱會作好準備，實行電影和音樂舞台同步做好。城城說：「祝願香港繼續繁榮，人人安居樂業，希望多啲喜氣洋洋嘅氣氛。」
Please support AKAZ by: Clicking to YesAsia from AKAZ if you plan to get new CDs/VCDs/DVDs from YesAsia, OR everytime you visit YesAsia for new releases of anything, please click to it from AKAZ. Thanks 
