城城做慣白髮阿叔　落咗妝反而唔慣
04月06日(一) 19:40 【on.cc東網專訊】 郭富城（城城）率領譚耀文及導演翁子光等，出席「第39屆香港國際電影節閉幕電影《踏血尋梅》世界首映禮」。談到戲中飾演50多歲老差骨，城城表示拍攝時日日染白髮，化妝也足足花了半個鐘，又直言有時嫌煩不想洗頭，但擔心生頭瘡，故最終也要屈服。問見到自己的老妝可有嚇親？他說：「冇，已經投入咗角色，反而落妝後，見到本來個樣唔慣。」
唔想生瘡焗洗頭
城城又指很開心與一眾專業的演員合作：「雖然好多都係新人，但佢哋好有潛質，希望佢哋有好嘅發展，呢套係導演第三部作品，佢好有爆發力，因為佢自己做編劇，所以知道觀眾需要乜，好似有動作、喜感、激情、藝術成份。」提到跟長居於美國的金馬影帝艾迪合作，他指對方也想在電影界再作發展，又大讚艾迪：「佢依然寶刀未老！」另外，該片獲多個國際電影節邀請參展。

自認捱得之人　郭富城扮悟空呻辛苦
03月24日(二) 14:52 【on.cc東網專訊】星皓電影《西遊記之孫悟空三打白骨精》演員郭富城、小瀋陽、羅仲謙、老闆王海峰到《2015香港國際影視展》為電影舉行記者會。現場星皓更宣布大陸遊戲公司37互娛獲電影授權遊戲改編，並進行簽約儀式。
中醫嘆奇症
扮演孫悟空的郭富城指每日除了最少要花四至五小時特技化妝，搞到皮膚敏感出水泡外，最辛苦是全身黐滿毛，即使大汗淋漓也不能隨便抹，要走到室外用吹風機降溫止汗，並因此患病，他說：「返香港睇中醫，中醫話我身體又寒又熱，佢話睇咁耐症都未見過。」
郭富城出名捱得，但今次演孫悟空則少有地呻辛苦，他說：「都預咗辛苦，但辛苦程度係自己想像嘅十倍，自己都好捱得，入行以嚟都好少講辛苦，今次講係唔想壓抑住，要抒發出嚟。」郭富城透露稍後可能要再到紐西蘭取景，他笑謂雖然已經習慣，但希望不用再化孫悟空特技妝。問郭富城若加片酬會否再拍孫悟空，他說：「唔係錢問題，依家唔諗住，放低吓先，四個月真係好長嘅時間。」
謙仔爆獲鞏俐送簽名相
羅仲謙則坦言與眾巨星合作初期心情緊張又興奮，最開心是煞科收到鞏俐送簽名相，他說：「鞏俐好sweet，一直好想同佢影相，但造型唔可以曝光，最後鞏俐送咗張寫上祝福字句嘅相畀我。」扮演豬八戒的小瀋陽，則笑謂拍攝過程十分享受，除了特技化妝的時間。

影視展：城城開金口唱歌賀翁子光牛一
03月24日(二) 18:34【on.cc東網專訊】 影星郭富城（城城）於灣仔會展出席「美亞娛樂2015電影發布會」，為主演的新片《踏血尋梅》作宣傳，期間城城更為剛度過生日的導演翁子光唱生日歌。他透露在新片中演警察，問到演孫悟空與警察，哪個角色難度較高？城城說：「今次造型好特別，係演老差骨。」
城城又透露導演早於三年前已跟他聯絡，大讚對方從一而終、有才華又有潛質。近年有不少作品的城城更說：「香港有唔少有誠意、有質感（素）、有內容嘅製作，想可以畀多啲信息觀眾，香港人壓力大，鍾意啲可以笑吓嘅電影，但我希望可以有多啲唔同嘅層面。」城城又透露新片中有兩位新人，作為前輩的他希望能成就新人發展，幫助更多新晉的演員與導演。