自認捱得之人　郭富城扮悟空呻辛苦
03月24日(二) 14:52 【on.cc東網專訊】星皓電影《西遊記之孫悟空三打白骨精》演員郭富城、小瀋陽、羅仲謙、老闆王海峰到《2015香港國際影視展》為電影舉行記者會。現場星皓更宣布大陸遊戲公司37互娛獲電影授權遊戲改編，並進行簽約儀式。
中醫嘆奇症
扮演孫悟空的郭富城指每日除了最少要花四至五小時特技化妝，搞到皮膚敏感出水泡外，最辛苦是全身黐滿毛，即使大汗淋漓也不能隨便抹，要走到室外用吹風機降溫止汗，並因此患病，他說：「返香港睇中醫，中醫話我身體又寒又熱，佢話睇咁耐症都未見過。」
郭富城出名捱得，但今次演孫悟空則少有地呻辛苦，他說：「都預咗辛苦，但辛苦程度係自己想像嘅十倍，自己都好捱得，入行以嚟都好少講辛苦，今次講係唔想壓抑住，要抒發出嚟。」郭富城透露稍後可能要再到紐西蘭取景，他笑謂雖然已經習慣，但希望不用再化孫悟空特技妝。問郭富城若加片酬會否再拍孫悟空，他說：「唔係錢問題，依家唔諗住，放低吓先，四個月真係好長嘅時間。」
謙仔爆獲鞏俐送簽名相
羅仲謙則坦言與眾巨星合作初期心情緊張又興奮，最開心是煞科收到鞏俐送簽名相，他說：「鞏俐好sweet，一直好想同佢影相，但造型唔可以曝光，最後鞏俐送咗張寫上祝福字句嘅相畀我。」扮演豬八戒的小瀋陽，則笑謂拍攝過程十分享受，除了特技化妝的時間。