城城豪搞慶功宴：銀包似銀行
[15:31] 2013/04/16 【on.cc 東方互動 專訊】 郭富城自掏荷包大搞個唱慶功宴，請台前幕後睇靚景擦大餐，他笑言：「雖然今次係公司安排，但我係喺後面全力支持，打開銀包好似銀行一樣。」他表示永不休止繼續搞個唱，提到陳奕迅大讚他身形Keep得好？城城說：「Keep係要靠意志！」他又指已離不開紅館，是心靈的一部分。城城又透露因劇本唔滿意而推了一部戲，之後的方向會是電影為主，音樂為副。

城城尾場High爆自封郭富神
[11:51] 2013/03/26
【on.cc 東方互動 專訊】 舞台王者郭富城一連九場《郭富城舞臨盛宴世界巡迴演唱會2013香港站安哥篇》昨晚圓滿結束，由於尾場的關係，城城情緒特別高昂，當被升到半空時，他突然剝衫騷肌兼自摸，睇到一班粉絲流晒口水，城城更錯口自封為神，他說：「大家好，我係郭富『神』，唔好意思，我係叫郭富城！」場面爆笑。
完騷後接受訪問，談及在第二場個唱刻意走返轉頭同女友熊黛林高調握手，城城甜笑說：「個個都想握，我只係經過，冇刻意返轉頭，私人事唔講太多喇！」對於與與苟芸慧的緋聞，城城大方地說：「有記者見我開騷，咪畀花邊新聞我囉，我都明白，見怪不怪，最緊要唔好影響人。」另外，問本身染了一頭淺藍色頭髮的城城，可迅速染回黑色？他脫下帽子說：「爛桃花丫嘛，哈哈，其實跟住緊有宣傳，所以要盡快染番黑。」

Sources: MingPao /

城城刻意同阿Lynn握手宣示關係
[12:26] 2013/03/25 【on.cc 東方互動 專訊】 熊黛林（Lynn）昨晚再度欣賞男友郭富城演唱會，全晚表現投入，在握手環節時，城城由Lynn所坐的看台開始握手，巡迴一圈後，城城刻意再走到Lynn看台與她握手！而城城於跳彈床環節不慎失手。完騷後，阿Lynn被問到覺得好睇嗎？她說好睇，提到與城城握手宣示主權？她否認道：「唔係，我都係fans。」至於城城在全場fans面前與她握手，是否象徵公開承認兩人的情侶關係？阿Lynn只回應「唔好意思」。