Aaron Kwok News 郭富城新聞

舞王郭富城巡唱晒肌冧歌迷

Posted on December 9, 2013 at 10:10 pm

Sources: TungStar /
舞王郭富城巡唱晒肌冧歌迷
12月09日(日) 14:46【on.cc東網專訊】「舞台王者」郭富城的《舞臨盛宴世界巡迴演唱會》中國站在深圳揭開序幕，因首次以三面台作舞台架構，城城特地打造切合體育場規格的變形金鋼舞台作內地站使用，由於是六幅大形迴旋摺合舞台，故製作費極之龐大，據知創下此體育場創立以來最貴的華人巡唱舞台，城城說：「為求有最高嘅演出舞台效果，再昂貴嘅工程也不惜工本照做，因為我堅持每個製作都係採用最突破視聽界限的舞台！」城城在個唱中又唱又跳，以多個不同造型現身，包括木箱彈跳蜘蛛俠、酷爆牛魔王、追光逐影立影跳等，當中曾發生一段小插曲，就是城城倚在名車林寶堅尼出埸的一節，因新加的閃石歌衫突然爆鈕，沒法扣上，城城唯有照升上台，現場觀眾看到城城性感展現腹肌登場，即刻哇聲四起：「城城你好fit！」城城亦隨即擺出型仔甫士。

今次巡演首站，城城貼心地訂製了立體3D眼鏡派予全場歌迷，好使他演唱《永遠愛不完》時，大屏幕將飛出一萬個立體心心奔向歌迷，令現場氣氛再次升溫，城城打趣笑說現場觀眾戴上3D眼鏡，好像大家變身成外星人一樣！之後又再展冧功問歌迷：「收到我嘅立體甜心嗎？」全場觀眾又再起哄，氣氛熾熱。城城演出後大呼：「觀眾嘅反應實在太好了，令我演得超爽！」翌日他更表示：「返到屋企都回味緊深圳站嘅演出，觀眾嘅歡呼聲畀我好大動力，搞到我成晚都瞓唔到，因為情緒依然好high！」

de showy masquerade, music Comment

Comments Off

郭富城再買馬考業餘騎師牌

Posted on December 9, 2013 at 1:39 am

Sources: TungStar /
郭富城再買馬考業餘騎師牌
12月08日(日) 15:02【on.cc東網專訊】天王郭富城到馬場出席活動，問是否準備拉頭馬？他說：「信心一定有，不過係咪嬴晒呢？都要睇騎師發揮、到時走位。隻馬狀況OK。（自己有冇買？）少少，例飛，買一千幾百，支持吓自己隻馬。」他表示愛駒曾贏過4次，但由於其中一次因工作而不在港，故只拉過3次頭馬。

他坦言希望愛駒「愛將」明年能參與國際短途錦標賽：「不過唔會Push佢，順其自然。如果贏咗，我哋幾個馬主都會將啲獎金放入營運基金，我哋都再諗緊出年買多匹馬。」

對於早前有傳他將於年初三賀歲馬中騎馬出場，他即否認其事：「係誤會，我係會喺新年活動騎馬，不過唔想透露喺咩活動，不過應該會向馬會借馬。」更自爆已覓得騎師好友葉楚航太太教他騎馬，他說：「佢係首席華人女教練，已經應承咗教我。我都想出到嚟騎得型啲、靚啲，有板有眼。（點解唔叫葉楚航教？）咁就變咗專業騎師，要策騎。（騎『愛的呼喚』或者『愛將』？）法例規定咗唔畀。」

他曾到上海參觀騎術學校時，被建議考一個業餘騎師牌，但他說：「唔好咁刺激啦！我好忙，今年考咗船牌，出年又考騎師牌？都係演藝事業重要啲。做騎師好危險，『行船跑馬三分險』，騎師同場多競爭、要爭位，馬可能會失蹄。（享受做馬主？）唔知，將來可能考，不過我都係講笑形式咁講。」他表示自己一向都懂得騎馬，亦曾於電影中有騎馬演出，但上一次騎馬已是一年前。

brand ambassador, longines, social media / lifestyle

Comments Off

城城「愛將」贏過二百萬

Posted on December 5, 2013 at 1:15 am

Sources: TungStar /
城城「愛將」贏過二百萬
12月04日(三) 19:35【on.cc東網專訊】郭富城為香港賽馬會活動擔任主禮嘉賓，大讚推出的新apps非常簡便，能清楚了解賽馬實況、馬匹狀況與騎師資料：「經常溫習賽馬資料，中獎機會率都會提高啲，不過唔好盲目投注，要用心鑽研。」

問過往兩匹愛駒「愛將」與「愛的呼喚」戰績？他自信地說：「我唔叻，但同朋友o既馬匹出賽都會支持，我只係選擇性投注。我匹『愛將』到現時為止都一共賺咗二百幾萬，已經Cover咗買馬同養馬成本。（今年會否再買多隻馬？）今年冇諗住再抽，我本身兩隻馬已經好足夠，不過遇到朋友投緣同投契都可以合資買隻。始終養馬都係開心事，贏更係好，不過最開心係喺馬圈同好多朋友碰面，認識更多朋友，可以一齊談天說地。」

他坦言養馬是投資與考眼光，自言好彩，平日面對工作壓力，不時要鞭策自己，賽馬可以減壓，暫時放下工作，享受欣賞賽事的一刻。但他勸告馬迷買馬要理智，應視為遊戲看待，不要沈迷，要量力而為。

social media / lifestyle Comment

Comments Off

郭富城避談熊黛林飲得好開心

Posted on December 3, 2013 at 8:48 pm

Sources: TungStar / MingPao /
郭富城避談熊黛林飲得好開心
12月03日(日) 16:42【on.cc東網專訊】香港歌手郭富城出席《香港血癌基金X海港城玻璃聖誕童話慈善籌款揭幕禮》，城城表示首次與陳寶珠一同出席活動，自言從小就是她的Fans，期待合作機會。提到聖誕節，城城將忙為月底在深圳及廣州舉行的演唱會做準備，未知可有時間慶祝。

問城城日前出席城中名人蔡加讚及汪圓圓的婚宴，同場可有遇到舊愛熊黛林（Lynn ）？城城不作回應，對Lynn 飲宴後似不太開心，城城再說：「唔回應。（你飲得開心？）飲得好開心，因為識加讚已經好多年，佢爹哋亦親自打畀我請我去飲，所以幾忙都抽空去。」

小賭怡情切勿賭身家

另外，提到愛駒「愛將」將否在周日出賽，城城表示愛駒因為仍是學習階段，未夠分數出戰國際賽，但周日會參與另一場賽事。問期望再拉頭馬？城城說：「唔會畀壓力『愛將』，正如自己都唔會畀壓力自己。」城城亦勸誡大家賽馬只是一種娛樂，切勿賭身家。」]

brand ambassador, social media / lifestyle

Comments Off

郭富城廣州開演唱會玩3D

Posted on November 25, 2013 at 9:27 pm

Sources: TungStar /
郭富城廣州開演唱會玩3D
11月25日(日) 19:17【on.cc東網專訊】郭富城（城城）在廣州舉行「郭富城舞臨盛宴世界巡迴中國演唱會廣州站」記者會，個唱於下月29日假廣州天河體育館開騷，記者會上城城心情大好，在台上擺出多個型仔甫士，主辦單位代表送上馬形擺設，皆因深愛他是愛馬之人。
城城表示今次廣州演唱會除有變形金剛舞台外，還新加入3D影像效果，入場歌迷有3D眼鏡可享受立體視覺畫面。城城又稱開始鍛煉體能，還在家人勤練瑜伽，加強身體柔軟度，他說：「要保持20歲的男仔心境和體能。」