女神永遠係女神　郭富城再公開讚苟芸慧好靚
06月12日(四) 20:36【on.cc東網專訊】 天王郭富城出席活動，他透露近日擔任大陸舞蹈節目的導師，對於曾被評國語不好，他大方地說：「慢慢進步緊架喇，我會虛心學習。」談到世界盃開鑼，他興奮地說：「捱眼瞓都要睇，我自己有好多球星都鍾意，例如C朗拿度啦，同埋我自己都好喜歡足球，之前因為腳傷停咗一年冇踢波。（捧邊隊？）今年我自己爆冷睇好法國。」
問到緋聞女友苟芸慧遠赴巴西做世界盃節目，他醒目說：「我睇報道知。（佢話見到好多巴西郭富城？）阿叻（陳百祥）講笑，大家又敏感咗！（佢讚你靚仔？）多謝，有人讚梗係開心。（咁佢靚唔靚女？）梗係靚女啦！」城城又認為電視台不應收費播放世界盃，因為市民有權利免費欣賞世界賽事。此外，對於好友彭順偷食一事，問到可與對方有聯絡？他說：「畀啲時間佢處理啦，佢自己都認咗錯，希望佢可以過渡到。」

城城負傷苦練球技同美斯鬥波
05月04日(日) 16:54【on.cc東網專訊】 郭富城最近再為汽水品牌拍廣告，臨迎世界盃，廣告主題自然圍繞足球。品牌請來球王美斯等19位國際知名球星合作，而郭富城則以唯一華人身份加入球星陣容。城城亦賣口乖直言最愛美斯：「因為佢都係技術型後衞（應是中場），今次可以合作係非常幸運嘅事。」

與美斯等足球巨星「同台競技」，城城當然不敢怠慢，連日抽空苦練球技。在片場拍攝時，他更是嚴格要求自己，對每個足球動作都精益求精。不過在拍攝臨門一腳的鏡頭時，城城一個轉身，淩空一腳，足球正中攝影師鏡頭釀成「慘劇」，城城即賣萌說：「損壞公物要畀導演鬧啦，唔知要賠幾多錢呢！」

而在整個廣告拍攝過程中，一直有位物理治療師在現場，原來是劇組為照顧城城腿傷特意安排。據導演私下透露：「醫生話城城膝蓋嘅韌帶已經斷咗七成，我聽到後簡直唔敢相信，我喺片場一啲都睇唔出佢有受傷嘅痕迹，現場拍攝時佢都總係忍住痛都一定要完成到我要求，無諗過佢係一個咁堅持嘅巨星。」