郭富城50歲生日P
10月26日(一) 01:48【on.cc東網專訊】今日26號係舞台王者郭富城50歲生日，原來喺25號當晚就搞咗場生日P，一班城中好友如，張智霖與老婆袁詠儀（靚靚）、愛車之人沈嘉偉和余文樂等一齊同壽星喜迎50歲生日。而袁詠儀事後，仲將現場相甫上微博並留言謂：「生日快樂！心想早事成！」祝福壽星。
現場相所見，成個生日P布置得相當華麗，台上布景板以「25AARON KWOK25 HAPPY BIRTHDAY」為主題，並見到壽星喺台上揸住支咪講嘢之餘，又走到台下周圍飛同好友撞杯歎靚酒兼合照，睇嚟呢場生日P壽星一定玩得好盡興喇！另外，同是愛車之人嘅余文樂都有上載相祝壽星生日快樂。