郭富城接拍三部戲:感情隨緣啦!

Posted on September 25, 2014 at 9:50 pm

郭富城接拍三部戲:感情隨緣啦!
09月25日(四) 20:42【on.cc東網專訊】 天王巨星郭富城於尖沙咀出席新電影《踏雪尋梅》煞科宴,城城透露今年接拍了三部電影,忙碌得來又充實,被問到忙於工作是否代表感情沒有着落?他說:「感情就隨緣啦,其實好多都知係假嘅,既然係假,如果有人係有動機嘅,就唔好畀機會人啦!」
提到他參演的電影《道士下山》,涉毒被捕的房祖名也參與其中,城城被問到對方會否被刪剪戲份?他說:「我唔清楚,其實套戲拍完好耐,我做演員嘅就做好本份,呢啲我唔識答。」

風雨不改做運動 城城跑步唔發呻吟聲發歌聲

Posted on September 25, 2014 at 12:22 am

風雨不改做運動 城城跑步唔發呻吟聲發歌聲
09月24日(三) 17:13【on.cc東網專訊】 天王郭富城以一身運動裝出席活動時,坦言自己做一場三小時的演唱會所需的體力,比起跑十公里更多。他透露自己每天最少做三十分鐘至一小時運動,風雨不改,續說:「如果職業嘅運動員,跑十公里大概半個鐘。我自己就大概半個鐘跑五公里,因為我係要訓練耐力,而唔係爆發力,咁對唱歌、跳舞都有幫助。其實我Keep住每日跑步都超過10年以上,有時工作要去唔同地方,做完嘢半夜三更,就會跑跑步機。我入住酒店嘅要求,就係健身室要24小時開放。有時拍戲啲地方山長水遠,冇跑步機,我就會帶繩去跳,其實跳繩都好辛苦,做30分鐘都夠。不過都試過跑走廊,因為成層都係劇組嘅工作人員。(男人做運動成日都會發出呻吟聲架喎。)嗰啲係頂唔順,我多數發出歌聲嘅,邊唱邊走。」
跑十公里怕成焦點
城城主張都市人每天再忙都要做運動,因在辦公室工作的人平日沒有機會舒展筋骨,不應以沒有時間作藉口。他說:「做運動體內會釋放出安多酚,會令人上癮,對皮膚、心臟同新陳代謝都好,做運動會將體內壞細胞都排走。」另外,他坦言非常希望參與十公里跑步賽事,但由於怕自己成為傳媒焦點,會阻礙其他參賽者,故遲遲未實行。

blank