Sources: TungStar /
郭富城自誇人魚線唔使刻意操
11月04日 18:29【on.cc 東方互動 專訊】舞台王者郭富城（城城）為下月7日的世界巡迴中國演唱會深圳站舉行記者會，主辦單位向城城送上其演唱會造型的肖像公仔，及一隻水晶馬，寓意演出一馬當先。

生活檢點Keep住人魚線

城城透露今次演出舞台以三面台設計，有別於紅館的四面台，舞蹈要重新編排，亦會有全新的演出服裝。問可要再操人魚線？他得戚地說：「人魚線不嬲有Keep住，好奇怪，好似著住件衫咁，但可以再深啲。」但他坦言操練過程漫長，飲食又要檢點，反而拍戲時可以放鬆一下。

唔識投資電影

他又謂近日除忙於籌備個唱外亦在睇劇本，他早前專程去睇新晉導演翁子光執導的電影，表示計劃明年合作，他又承諾若劇本有水準，不介意減片酬拍攝低成本電影。問可會投資電影？他說：「投資我唔識，我自己寫咗啲劇本都唔會投資，或者搵啲有錢使唔晒o既人投資。」雖然他未能出席好友楊采妮的婚禮，但他表示知道一對新人已收到自己的賀禮，並祝他們開心幸福。