Sources: MingPao /
郭富城與《水舞間》打造舞臨盛宴
[23:08] 2013/07/31【on.cc 東方互動 專訊】 郭富城在「澳門新濠天地《水舞間》昂然邁向三周年」活動上，大開眼界的是斥資24億元打造的水舞間世界級舞台，出名對演唱會舞台有要求的城城更趁機參考，揚言要拜《水舞間》藝術總監Franco Dragone為師：「我個演唱會個舞台都係1億，水舞間係我24倍。我好想九月番返嚟認識藝術總監，想拜佢為師，同全場90位表演者合作。」主意多多的他更笑言要將自家演唱會與水舞間來個歷史性合作，他說：「想搞個水舞間 VS 舞臨盛宴演唱會。（你身價好貴？）貴就梗係啦，我想挑戰自己，舞台方面想有突破，例如電單車飛越25米高空、25米高台跳水。」數到城城最愛的節目都是水舞間的《人體水晶燈》，他更幻想成為燈中主角玩濕身：「睇下有冇機會喺燈入面唱歌做主角！」

城城做孝順仔唔考電單車牌
[23:06] 2013/07/31【on.cc 東方互動 專訊】 郭富城現身澳門水舞間劇院出席「澳門新濠天地《水舞間》昂然邁向三周年」活動，由「舞台王者」搖身一變成「水舞王者」，為慶祝九月踏入三周年而舉行的「探索體驗營」主持啟動儀式。揸慣跑車的他改揸電單車上陣，在台上圍繞兩周晒技術，城城更是首位登上劇院親身體驗水舞間精彩項目的明星，認真威水！
城城在台上自爆未有電單車車牌，原因是個廿四孝乖仔，一切聽從「城媽」話：「媽咪話危險唔畀我揸，我好錫媽咪，一定要聽話。（有買保險？）應該有，動作都係好簡單。」他指已有三年沒有騎電單車，幸好現場有特技專家教路，不過城城坦言開車前有擔心炒車：「平時好易揸，今日呢架車比較大馬力，都驚唔小心架車會打觔斗。不過我有叫特技表演者有機會教我，佢都應承咗。」他又指曾有贊助商送上新鐵騎，放在家中猶如室內展覽，最後因空間有限而改泊停車場。