Sources: MingPao – 2 /
城城想請琦溫斯莉睇《寒戰》
[15:44] 2012/12/09 【on.cc 東方互動 專訊】 郭富城（城城）以品牌代言人身份出席馬場舉辦的「浪琴表香港國際賽事」，對於愛駒《愛的呼喚》只得第四，城城直言有點若有所失：「唔緊要，賽馬運動有贏有輸，因為個騎師過唔到磅，所以換咗另一個騎師，可以隻馬同佢唔係好熟，加上發力太早。其實隻馬嚟港唔夠一年，今次只係佢第三場賽事，佢學習中。有好多朋友都傳短訊畀我話可惜以及鼓勵我。（女友熊黛林（Lynn）有冇份？）冇。（隻馬累你輸錢。）我有買例飛。（隻馬輸咗無紅蘿蔔食？）唔會因為輸贏而決定有冇食。贏要講運氣同發揮，參加得國際賽o既馬我眼中隻隻都一百分。（曾志偉隻馬贏咗你？）唔緊要。」城城坦言很期待跟同樣是品牌形象大使的琦溫斯莉見面，並指自從《鐵達尼號》後，已成為對方粉絲，大讚她演技無得頂：「如果有時間，希望請佢睇我演嗰套《寒戰》我好想同佢一齊拍品牌廣告，我會向品牌老闆提出。」他稱活動後會與母親及家人食晚飯為母親提早慶祝生日，問到Lynn有冇份時，他說：「冇。（點解唔帶佢見家長？係咪見過好多次？）唔講呢個話題。」