郭富城生B睇緣份唔怕有代溝

Posted on September 23, 2015 at 12:38 am


郭富城生B睇緣份唔怕有代溝
on.cc東網專訊】郭富城(城城)出席主演微電影《愛在當下》活動,席間,父愛氾濫的城城對小演員Peony照顧有加,更不時冧爆甜笑。事後,問到是否激發父愛?他說:「希望呢個感覺令大家覺得係真實嘅。(計劃幾時做爸爸?)呢啲冇得定,緣份天註定。(要搵真命天女?)唔係話自己尋找,如果上天安排,呢個人就會出現。」追問是否恨做爸爸?他說:「做爸爸一啲都唔易,成長過程唔止係花三個鐘咁簡單,係三年、三十年……一生都要花,係一生嘅承諾。」
城城又直言父子與父女關係不同,又大談「湊女」感受,說:「我覺得個女抱住你、錫你一啖,嗰種冧法,直頭融化咗。(將來想生女?)我覺得都好㗎,做爸爸動力再大啲,可以幫佢扮公主咁,好開心。」當記者再三叫城城Take Action時,他大嘆既要忙拍戲又要做個唱,工作排到明年,記者即笑稱又不是男人生,城城笑道:「唔係話有個BB就算,你要計劃,係一個責任,唔可以唔理。(先要搵老婆?)係啦。(再遲唔怕有代溝?)所以一路Keep住自己好Fit,只可以令自己保持年輕嘅心態,呢個唔係年齡嘅問題。」

父愛氾濫!城城自爆為小演員心臟停頓

Posted on September 23, 2015 at 12:31 am


父愛氾濫!城城自爆為小演員心臟停頓
on.cc東網專訊】 郭富城(城城)出席主演微電影《愛在當下》活動,宣布該片於網上點擊率已超過四百萬,席間,城城對小演員Peony照顧有加,不時摸對方頭又冧笑,父愛氾濫。
在台上,城城稱最難忘的拍攝是小主角Peony說「唔要爸爸老」一幕,他自言當時覺得心臟、世界突然停頓,立刻給予城城好大感觸。他又謂:「時間過咗去就捉唔住,拍完覺得要點去表達畀愛錫嘅人,我覺得可以用行動錫、攬等方法,愛唔單係講出嚟,仲要用行動。」大會司儀又讚城城湊小朋友有一手,問到會否希望成為真正爸爸?他表示十年前已跟吳澋滔拍攝《父子》,今次對手乃年僅四歲的小女孩,感覺不一樣,更說:「拍完希望將來結婚有自己嘅小朋友,做個好爸爸。」
甘願為小演員等三個鐘
他又大爆有一幕花了三小時才完成拍攝,皆因Peony說:「你唔係我真爸爸,我好掛住爸爸。」結果令城城感到很touching,並謂:「我當時話『好,我等你』,最後拍出真實嘅感覺,等三個鐘都係值得嘅!」


郭富城早過麥當娜登陸澳門新場開騷

Posted on September 23, 2015 at 12:16 am

郭富城早過麥當娜登陸澳門新場開騷
on.cc東網專訊】 早前親臨透露將於11月7日舉行演唱會的城城,原來門票資料已悄悄於facebook公開,其「舞臨盛宴夢幻距離澳門站演唱會」將於9月22日公開發售,票價由港幣$680至$1,580不等。由於城城已強調會在「夢幻」距離與粉絲全接觸,又指這將會是其首個設立搖滾區的演唱會,承諾與歌迷「以歌會舞」,消息在facebook發布後,粉絲們即時讚好,並留言表示非常期待城城的演出。
而對於國際天后麥當娜將於明年2月在同一場館開騷,城城謂:「以前喺華納唱片時代,我同麥當娜同公司,但未有合作機會。我都熱愛舞台藝術,當然好欣賞麥當娜呢位舞台女王喺舞台上嘅超亮麗舞台視覺效果,特別係佢嘅舞蹈,每部分都有主題,真正超乎聲色藝,所以有機會我一定會去現場欣賞,有好大可能我會去澳門站。因為因緣際會,我同佢算係間接喺澳門同一個嶄新嘅演出場館結緣。澳門新濠影滙綜藝館,係希望打造成一個世界級表演者嘅舞台,其實我十分榮幸能夠喺佢演出之前嘅11月,喺呢個場館舉行佢哋嘅首場演出,即係我嘅個唱,所以我嘅團隊已經全情投入,設計全新舞台同視覺效果。」

風騷現身新濠影匯綜藝館 城城爆想結婚

Posted on September 9, 2015 at 2:59 am

風騷現身新濠影匯綜藝館 城城爆想結婚
on.cc東網專訊】 位於澳門的新濠影匯投資32億美元,是一個以電影為主題的娛樂休閒度假勝地,即將於10月27日隆重開幕。
其中「新濠影匯綜藝館」設有夢幻舞台,舞台王者郭富城(城城)成為首位在「新濠影匯綜藝館」舉行演唱會的歌手,之後還會陸續再有其他巨星在此舉行演唱會。
城城今日下午到澳門為這個影匯綜藝館的啟動禮擔任嘉賓進行儀式,記者會於club cubic嬌比舉行,城城還即場表演了幾個舞步,作為他這次特別版演唱會預演。他表示會於演唱會中設立搖滾區,讓粉絲可以跟他互動,城城說:「呢個搖滾區係我個人演唱會從來未試過嘅,今次個場館嘅設施先做到,為咗配合今次演唱會,我哋設計舞台係為呢個場館打造嘅,呢度嘅設施同新科技先可以做到,天馬行空都可以支援到,係一個夢幻嘅距離,做啲大家意想不到嘅舞台效果,喺歌迷面前跳舞同唱歌,係自己喺舞台上從未試過嘅。(搖滾區可以容納幾多人?)要等大會安排,個場館好似可以坐5,000人。(你到時會拉啲粉絲上台?)都有機會,係近到從未出現過喺我自己嘅舞台上。(呢樣嘢係咪一直都想做?)一直都想做,喺英美啲國際級舞台都唔容許咁做,會有限制,依家可以喺澳門打造到國際級嘅舞台,同我想突破、破格同創新嘅理念一致,所以佢哋搵我打頭陣時,我哋係一拍即合。(演唱會歷時幾長?)我啲演唱會都係三個鐘,個rundown會重新度過,要配合舞台升降位、視覺效果等等,係三面台嘅,我都會參與開會,好多嘢要重新打造。(驚唔驚會有熱情粉絲攬你甚至咀你?)身為歌手都希望可以同歌迷互動,想佢哋透過我嘅舞蹈同歌聲,感受我舞台嘅力量。」
問到城城如此近距離與粉絲接觸,怕否被抽水,他表示:「到時大會會有工作人員控制以防突發事件,會有特別措施應付。我演唱會有握手環節,我試過畀歌迷捉實隻手唔放,仲要拉我埋去,咁大會都有請保安人員保護我,但握手時都成日會受傷,會被抓傷,希望大家錫住我,唔好抓傷我。我都試過畀自己個咪撞親啲牙,依家去握手時識得將個咪放低啲,同埋用手包住個咪,咁撞都係撞到自己啲手指。我最驚係啲歌迷捉住我唔放手拉我埋去,我唔想啲歌迷受傷,因為我愛錫佢哋,我自己受傷唔緊要。如果啲歌迷唔肯放手,最後都會由保安人員分開我哋,但係我隻手已經有愛的抓痕,都習慣咗,習以為常喇。(今次演唱會只係舉行一場?)序幕嚟,係呢個場館嘅序幕,嚟緊會有個國際級巨星接我棒,我可以成為第一位華人歌手喺度打頭陣演出,覺得好榮幸,今次係特別版演唱會,出年紅館嗰個就係另一個舞台同表演項目。今次係好珍貴嘅演出。」
現場見城城左手無名指戴了戒指,問到他是否已結婚,他即說:「呢隻只係飾物,大家誤會咗喇,咁我轉去右手戴喇。(會唔會反映到你其實想成家立室?)我心入面嘅諗法係自己都希望會成家立室同埋有小朋友,因為我本身好鍾意小朋友,不過現階段我嘅工作好繁重同好重要,我媽咪都有叫我抖下,佢見我辛苦,我同我媽咪講叫佢放心,應該休息時我會休息。自己想有突破,努力創一個高峰出嚟,唔容易,會繼續呢個理念。如果達到自己目標,同埋得到大家嘅認同,就去到成家立室嘅時候,都要花幾年時間,可能三年。如果現階段遇到姻緣,亦唔排除會閃婚,都希望得到大家嘅祝福。」

紐約亞洲電影節 郭富城獲頒亞洲傑出演員
06月28日(日) 15:45【on.cc東網專訊】 天王郭富城日前完成上海的電影拍攝工作,即飛赴美國出席《第十四屆紐約亞洲電影節》的開幕暨頒獎盛典,今次城城更憑電影《踏血尋梅》獲頒亞洲傑出演員獎項(Star Asia Award),而該電影亦是電影節的開幕電影,可見城城及電影《踏血尋梅》備受電影節高度表揚。
城城中午出席紐約香港經貿局之歡迎記者會,該會主席高度表揚城城是亞洲多元化藝人,其演藝成就有目共睹,更形容他對電影超級熱愛,堪稱「亞洲演痴」。會後城城接受中外傳媒訪問,不少外國媒體對城城之電影作品瞭如指掌,有些更稱是城城粉絲,令城城覺得非常窩心。
晚上,城城換上型爆西裝出席在林肯中心的頒獎禮,大會剪輯了一條名為「One Man One Thousand Face Aaron Kwok」的電影光影片段來介紹城城出場,讚揚他是亞洲最多變的傑出演員。城城接過奬項後表示:「我會把所有得過的獎項,化成動力去演好角色,繼續為電影痴迷,亦希望大家會被自己真誠的演出所打動。」

blank