發哥子丹城城《西遊記》首映好墟冚
01月26日(日) 19:48【on.cc東網專訊】 一眾影星周潤發、甄子丹、郭富城、汪圓圓、夏梓桐和羅仲謙等現身銅鑼灣時代廣場出席《西遊記之大鬧天宮》慈善首映。現場播放電影預告片後安排三位以發哥、城城、子丹戲中造型的小朋友上台與嘉賓合照，三位巨星與小朋友合照時，子丹更教小朋友擺甫士秘訣，現場十分墟冚，吸引大批市民圍觀。

甄子丹磨劍三年 郭富城落重本
01月26日(日) 20:17【on.cc東網專訊】 「馬騮精」甄子丹與「牛魔王」郭富城老友鬼鬼，齊齊影合照後在台上接受訪問，提到發哥指他是戲中男一，子丹笑說：「唔好咁講，好大壓力！（怕唔怕收唔夠票房開唔到續集？）冇所謂，最緊要係觀眾鍾意，套戲就企得住。（想開續集？）我唔會講啲斷自己後路o既說話，睇套戲o既反應，初步都好好。」城城亦補充說：「希望觀察畀我哋打動到啦，睇我哋造型咁落本都知！」 甄子丹笑言這次作品是「三年磨一劍」的心血：「呢套戲畀咗好多心機，係大家o既心血，而且健康又正面，希望觀眾新年來巡一巡戲院！」

城城自嘲仲捱緊期望英國買大屋養馬
01月26日(日) 17:58【on.cc東網專訊】 郭富城出席馬場活動，談及將以個人名義再抽馬時表示，如果愛駒退役，他希望可以把牠們在寓所的天台安老：「我天台有籃球場咁大，屆時會整真草，但唔知佢哋入唔入到電梯。（你退休呢？）最夢寐以求係喺英國買間度假屋，有個花園有山坡可以養馬，將來同我太太、仔女喺大山坡騎馬同BBQ。（等好耐？）人生要有夢想。（快啲搵個女主人？）搵唔難，但做丈夫要有更好心理準備，事業上要得到更多榮譽。（你係舞台王者。）唔通同太太講嫁畀我，我係舞台王者咩？可以畀個存摺佢睇，但我要儲錢，我太多嗜好，又要買Resort，硬件要做好晒先。（你有身家啦！）仲捱緊，一闊三大，做船長要養埋船。（女主人位置有排懸空？）有排，我都有排先達到目的，唔知點算。」

城城自嘲仲捱緊期望英國買大屋養馬
01月26日(日) 15:31【on.cc東網專訊】 「郭富城以品牌大使身份出席品牌在馬場舉行的百周年紀念短途盃，他表示第一次與奧雲見面：「大家叫佢奧雲仔，好親切，佢咁靚仔。（你靚仔定佢靚仔？）我唔係靚仔，我冇乜嘢，踏實啦！」此時他見到正在接受電視台訪問的奧雲，即大聲向對方說：「我話你靚仔呀！」奧雲即回應：「我都係咁講呀！」兩位型男做訪問都不忘互讚。

城城又表示二人有共同諸好就是養馬，他知道奧雲在英國的馬房養了近百匹馬，覺得自己要跟對方學習。他還透露將以個人名義再抽馬匹，如果抽中就命名「唱這歌」或「動起來」。

問奧雲有否邀請他到英國參觀其馬房？城城笑說：「如果我贏馬，我包機票住宿請佢嚟拉頭馬。」並坦言羨慕對方可以養百匹馬，因為香港地方小環境不許可。

郭富城食團年飯周圍攬仔
01月26日(日)11:32【on.cc東網專訊】 舞台王者郭富城在微博上載公司團年飯大合照，相中人多勢眾兼有蛋糕，並寫道；「Aaron team yeah ! all the best ! 」其經理人小美亦上載多張Aaron與同事的合照，見他在照片中High爆開香檳，又周圍攬仔，面紅紅的他更狂嘟嘴兼晒V，似乎玩得不亦樂乎，而小美則語重心長寫道：「今年超忙。但充實。而年度的團年飯是必須的。一起努力。一起分享。再一起打拼。今天應該很高興。希望大家馬年事事如意。身體一定要健康。一起發揮團隊最高能量。做到最好。go go go …happy good horse year ! 」