Sources: MingPao /

郭富城鬧市策騎 風騷跳起
02月04日(二) 14:44【on.cc東網專訊】 郭富城到尖沙咀海港城出席新春活動，著住「黃馬褂」加閃爆「金超」的他騎著真馬出場，非常威風！繞場一周後，他上台向圍觀市民拜年，並獲財神送上利是、金元寶和剪紙畫，開心到飛起的城城興奮得跳起影相，並為幾頭舞獅點睛。

他有份主演的電影《大鬧天宮》內地票房破3.1億（約3.9億港元），城城興奮地說：「好鼓舞，恭喜導演！（會拍續集？）唔知呢！睇老闆意願。（有傳黃曉明會加入？）多啲演員加入係好事，相信觀眾都會想睇。（你繼續做牛魔王？）未知，希望有得繼續參與。（想唔想試吓其他角色？）牛魔王都幾好吖，顛覆咗個性格。」並稱希望可以原班人馬拍續集。

他又指2014年將會主力拍攝電影，將接拍4部戲，包括《寒戰2》，而自己執導的電影劇本希望在馬年可以完成：「劇本寫得七七八八，故事大綱寫好晒，希望馬年可以完成埋啲對白，改埋個戲名，個名好重要！另外自己想抽多隻馬，再養多隻馬，叫『唱這歌』或者『動起來』，等『愛的呼喚』有個伴。」


郭富城喺午馬身上學到好多
02月04日(二) 16:04【on.cc東網專訊】 天王郭富城在尖沙咀海港城出席活動時，被問到資深演員午馬凌晨離世，城城表示遺憾：「好突然，我哋有合作過拍戲，佢教咗我好多嘢，嗰時有對手戲，之後就好少合作，都成20年以外嘅事。佢係好有實力嘅演藝人，好有經驗，係電影圈嘅損失。」

郭富城鬧市策騎 風騷跳起
02月03日(一) 00:16【on.cc東網專訊】 郭富城月前於內地舉行巡迴個唱，表演凌空舞蹈期間發生意外，導致左腳靭帶受損，事業心重的城城為不想腳患加深，決定稍後的巡唱放棄相關環節。城城笑言﹕「第一時間通知咗媽媽，免得佢擔心，佢係『報案中心』。（阿媽催婚？）冇催好多年啦，佢有孫湊嘞，況且我事業心重咗啲。」

談到農曆新年，城城表示會抽時間陪家人聚天倫。至於會否在家中擺桃花催姻緣，城城則大耍太極謂﹕「我屋企擺桃花最靚嗰個位，要嚟放咗跑步機嘞。（搬開幾日咯）唔通將部機擺上床攬住瞓咩。」

郭富城鬧市策騎 風騷跳起
02月02日(日) 18:29【on.cc東網專訊】 郭富城（城城）到沙田馬場支持愛駒「愛的呼喚」出賽，為愛駒打氣，他全程表現風騷和充滿信心，又跟馬迷和粉絲揮手打招呼，並以雙手做出恭喜發財的手勢。他的愛駒於第十場賽事中跑第三，雖然賽事進行期間城城並沒有到看台觀賽，但賽事完畢後，城城依然笑容滿面，心情極佳，離開廂座時跟馬迷聊了幾句，他說：「其實今次係個檔位唔好，總之佢（愛駒）跑得好好，大家都有錢贏呀，買位置都有錢贏。」之後他接受記者訪問時就首先恭祝大家說：「祝大家馬年進步，好似『愛的呼喚』咁，我好開心佢跑第三，今次喺好外檔，完全無Cover，佢今年成長咗，好有Heart，好似我咁。」他還雙手豎起拇指以表揚愛駒。

城城努力獲回報繼續破紀錄
02月01日(六) 16:32【on.cc東網專訊】 藝人郭富城亮相有線節目《電影蒙太奇》時，大談拍攝賀歲片《西遊記之大鬧天宮》的難忘事。於戲中飾演牛魔王的城城，表示很開心能與周潤發及甄子丹合作，問到和二人合作的感覺時，城城突然「牛魔王」上身，語氣低沉地表示：「我要打死佢哋！」十分搞笑。

城城表示他的角色是魔界最高領導者，因此性格粗獷、霸氣、邪惡，充滿魔王風範，並且常跟「玉皇大帝」發哥作對，城城表示希望未來可再跟發哥合作：「發哥係神級演員，今次合作真係唔夠喉，我希望嚟緊有機會同發哥喺《寒戰2》再合作。」城城亦大爆片場趣事：「發哥好關心劇組，搵咗個休閒室做廚房，煲湯畀大家飲，而我就請化妝師食麻辣火鍋，因為佢係意大利人冇試過，佢食得好開心。」

城城努力獲回報繼續破紀錄
02月01日(六) 16:32【on.cc東網專訊】 天王郭富城主演的電影《西遊記之大鬧天宮》在大陸開畫首日即錄得1.22億元人民幣（約1.55億港元），勁破5項紀錄，而香港上映三日票房亦有592萬，台前幕前十分興奮。

城城說：「電影有咁好嘅票房紀錄，對製作團隊嚟講係一份好大鼓舞，我作為電影嘅一份子亦好振奮，我特別為投資者同導演高興，大家嘅努力同堅持得到證明，希望觀眾繼續支持，令票房繼續上揚，再創好紀錄。」