brand ambassador » Aaron Kwok News 郭富城新聞

郭富城帶Ai Ai迎馬年

Posted on January 6, 2014 at 11:03 pm

Sources: MingPao /
郭富城帶Ai Ai迎馬年
01月05日(日) 14:35【on.cc東網專訊】繼周迅、黃曉明、羅志祥等紅星各自設計獨特的熊貓雕塑，參與成都熊貓藝術公開展後，今次輪到舞台王者郭富城（Aaron）及中國首位奪得大滿貫雙打冠軍網球好手鄭潔獻出他們的創意和愛心，城城為熊貓雕塑起了個名「Ai Ai」，「Ai」是「愛」的普通話發音，代表它充滿愛的心，還代表它就是自己！因為Aaron英文名字也是以「AA」作開頭，「Ai Ai」正面看起來是一隻戴著黑色水晶眼罩的熊貓，就像城城在舞台上表演的裝扮。

而「Ai Ai」身上還有兩隻鑲滿華麗黑色水晶閃石的奔騰飛馬，雙馬出擊，閃閃生輝，除迎合馬年的來臨，亦代表郭富城與馬匹的不解之緣。他說：「雙馬正好代表住我兩匹愛駒『愛將』同『愛的呼喚』，馬年雙馬出擊，希望有更多突破！」

談及對熊貓的看法，城城表示熊貓是一種很可愛的動物，不要小看牠們肥胖的身材，其實身手靈敏：「我曾經喺樂園見過一隻熊貓，爬樹摘取竹葉，好快手、好得意！」

Comments Off

郭富城撐張智霖表現好攞硬視帝

Posted on December 15, 2013 at 11:22 am

郭富城撐張智霖表現好攞硬視帝
12月14日(六) 16:15【on.cc東網專訊】郭富城主持亮燈儀式，為慈善他設計了音響手提包，這個工作令他聯想到演唱會與電影等工作：「袋中間一邊係菲林格，一邊係「咪高峰」網。」自言有設計天份：「我將好多意念放入演唱會，同團隊配合一齊演出。」

問好友張智霖（Chilam）今年成為視帝大熱，對他可有信心？他說：「問佢啦！實至名歸。（投佢一票？）佢冇叫我投，唔使啦，咁熟！我都唔知喺邊度投。（諗定點慶功？）佢冇講又冇問，有捧佢場，睇過幾集。」他稱讚Chilam表現一直很好。

對於中國巡迴演唱會將於29日在廣州舉行，還特別加插了3D環節。上次深圳巡唱練跳彈床時輕微受傷，令他兩日下床時不方便：「睇完醫生同食埋止痛藥，開騷就冇事，今次會盡量小心。」

Comments Off

郭富城揚言挑戰周星馳

Posted on December 11, 2013 at 9:51 pm

Sources: TungStar /
郭富城揚言挑戰周星馳
12月11日(日) 19:14【on.cc東網專訊】「舞台王者」郭富城到奧迪金鐘陳列室舉行座駕遞交儀式，他有幸成為僅限量生產333輛，港澳合共只得兩輛，編號270的幻影黑- 珍珠漆（Phantom Black – Pearl effect）Audi R8 GT Spyder 的車主。熱愛賽車運動的郭富城連續兩年出戰奧迪R8 LMS 盃，於今年更代表奧迪香港出賽，並於比賽中勇奪非專業組總季軍，其專業表現及卓越成績有目共睹。奧迪香港預留此全球僅限量旗艦超級跑車予郭富城，一方面答謝他對品牌的無間支持，同時祝願他不論在街道或賽場上都可疾風而馳。

城城在座駕遞交儀式上表示：「很榮幸代表奧迪香港出賽奧迪R8 LMS 盃，更高興於比賽中奪得非專業組總季軍，期待未來日子與奧迪繼續緊密合作。」他亦高興成為奧迪車主，能獲得奧迪香港預留如此珍貴、強悍性能無可匹敵的限量版R8 GT Spyder，令他期待坐上開篷R8 GT Spyder，將賽道上縱橫馳騁的速度感延續到街道上。

brand ambassador, longines, social media / lifestyle

Comments Off

郭富城再買馬考業餘騎師牌

Posted on December 9, 2013 at 1:39 am

Sources: TungStar /
郭富城再買馬考業餘騎師牌
12月08日(日) 15:02【on.cc東網專訊】天王郭富城到馬場出席活動，問是否準備拉頭馬？他說：「信心一定有，不過係咪嬴晒呢？都要睇騎師發揮、到時走位。隻馬狀況OK。（自己有冇買？）少少，例飛，買一千幾百，支持吓自己隻馬。」他表示愛駒曾贏過4次，但由於其中一次因工作而不在港，故只拉過3次頭馬。

他坦言希望愛駒「愛將」明年能參與國際短途錦標賽：「不過唔會Push佢，順其自然。如果贏咗，我哋幾個馬主都會將啲獎金放入營運基金，我哋都再諗緊出年買多匹馬。」

對於早前有傳他將於年初三賀歲馬中騎馬出場，他即否認其事：「係誤會，我係會喺新年活動騎馬，不過唔想透露喺咩活動，不過應該會向馬會借馬。」更自爆已覓得騎師好友葉楚航太太教他騎馬，他說：「佢係首席華人女教練，已經應承咗教我。我都想出到嚟騎得型啲、靚啲，有板有眼。（點解唔叫葉楚航教？）咁就變咗專業騎師，要策騎。（騎『愛的呼喚』或者『愛將』？）法例規定咗唔畀。」

他曾到上海參觀騎術學校時，被建議考一個業餘騎師牌，但他說：「唔好咁刺激啦！我好忙，今年考咗船牌，出年又考騎師牌？都係演藝事業重要啲。做騎師好危險，『行船跑馬三分險』，騎師同場多競爭、要爭位，馬可能會失蹄。（享受做馬主？）唔知，將來可能考，不過我都係講笑形式咁講。」他表示自己一向都懂得騎馬，亦曾於電影中有騎馬演出，但上一次騎馬已是一年前。

brand ambassador, longines, social media / lifestyle

Comments Off

郭富城避談熊黛林飲得好開心

Posted on December 3, 2013 at 8:48 pm

Sources: TungStar / MingPao /
郭富城避談熊黛林飲得好開心
12月03日(日) 16:42【on.cc東網專訊】香港歌手郭富城出席《香港血癌基金X海港城玻璃聖誕童話慈善籌款揭幕禮》，城城表示首次與陳寶珠一同出席活動，自言從小就是她的Fans，期待合作機會。提到聖誕節，城城將忙為月底在深圳及廣州舉行的演唱會做準備，未知可有時間慶祝。