Sources: TungStar / Oriental / TaKungPao /
城城親自設計騎師衫撐愛駒
[19:37] 2012/09/18 【on.cc 東方互動 專訊】 郭富城出席活動時透露早前拍了一個電訊廣告，是他繼97年後第二個電訊廣告，他說：「廣告中我有12個造型，喺香港12個地方取景，其中有場戲係我同爸爸傾電話講到喊，因為我爸爸已經唔喺度，所以好易投入角色。」
另外，郭富城宣布其愛駒「愛的呼喚」本周出賽，當日他會到場打氣，問到會穿甚麼戰衣？他開玩笑說：「同騎師一樣囉﹗騎師件衫係由我設計，紅黑格仔旗入面有粒紅星。（叫朋友下重注？）賽馬係娛樂，唔係賭博心態，小賭怡情。」問他會否叫女友熊黛林結伴到場？他說：「今次入場唔高調，今次未有充足信心，有多啲把握先叫好友支持。」