Sources: TungStar / SingTao / MingPao – 2 / HKDaily / WenWeiPo / TaKungPao / SingPao / MetroDaily / Oriental / TheSun /
城城知Lynn委屈：我企出嚟保護佢
[16:39] 2012/03/01 【on.cc 東方互動 專訊】 早前熊黛林（Lynn）突然與郭富城（城城）劃清界線，有指因有人不滿她過分高調談論戀情，惹來分手傳聞。城城出席活動時就罕有力撐對方說：「之前有好多關於我同Lynn o既報道，某啲報道佢都幾委屈，希望大家畀多啲空間我同佢正常發展。（咁係咪分手？）我已經講晒，其他唔講喇！」
城城又謂自己向來對感情事都很低調，這是性格問題，不關任何人事，又強調不關早前送頸鏈的磨擦。問到是否雨過天晴？他續說：「現階段都係想工作行先，感情事就順其自然，我知道大家好關心我，我亦唔係小朋友，總之我結婚一定會公開，我都想大家衷心祝福我，我係傳統男士，我一定會成家立室，但要畀啲時間我。」那Lynn是否其結婚對象？他說：「要諗諗。其實有好多報道令佢都幾委屈，作為朋友我都想企出嚟保護佢。」

郭富城罕有公開力撐熊黛林，指她受盡委屈，希望大家給予空間。

城城出席活動，公開回應與熊黛林情變一事。

明星愛駒名字顯個性 城城呼喚愛

MingPao /