郭富城昨日以聯合國兒童基金會香港委員會大使身份出席籌款活動記者會，並與多位小朋友一起合照，又抱起小朋友進行儀式，盡現慈父相，城城笑說：「咁我係大使，一定有啲啲潛質嘅。」城城透露拍攝完新片《全球熱戀》，現正與楊采妮一起拍攝由嚴浩執導的新片，在片中飾演漁民的他由 20歲演到 40歲，更要為電影犧牲靚仔樣：「要曬到好黑同有雀斑，之後仲可能會接多兩部電影， 10月左右就準備年尾演唱會。」會否找女友熊黛林幫手做面膜？他笑說：「我有自己一對玉手！」問到城城是否已儲夠老婆本？他說：「我都唔知，只係知未夠，有排呀！」是否要預備養小朋友的費用？城城拉開話題說：「我要幫聯合國兒童基金會成千上萬嘅小朋友，全部都係我嘅孩子。」採訪：文國駿　攝影：黃文偉


郭富城昨日看見小朋友，即洋溢一臉慈父相。