由郭富城、章子怡等主演嘅電影《魔術外傳》未定上映日期，但係日前公佈咗城城嘅造型，今次佢以一身如「犀利哥」嘅造型出現，蓬鬆嘅頭髮，爛撻撻嘅服飾，呢個不修邊幅嘅造型完全可以媲美土生土長嘅陝北大漢，城城仲自我挑戰，全程以陝北方言講對白，為求認真，佢講一句對白要學足百次先成功，令劇組都好佩服。