【深圳直擊】彭順在女友李心潔被傳懷孕期間依然忙不停，昨日他與孿生弟彭發聯同郭富城、鄭伊健、蔡卓妍（阿 Sa）和內地女星唐嫣到深圳萬象城嘉禾影院，宣傳兩兄弟聯合執導、 12月 17日在港上映的《風雲 II》。一眾演員影大合照時，一名男 fans突然衝上台向伊健騎呢獻花及合照，嚇到他目瞪口呆。原來實情是有內地記者欲送花給唐嫣，現場找了該男 fans做代表，豈料他擺烏龍送錯花。

唐嫣自認被放電城城迷倒，更自爆深愛他飾演的步驚雲。

彭順（右）昨與弟弟彭發在深圳宣傳新片時只談工作，未有透露女友現況。

幾位演員台後互笠高帽，阿 Sa先讚伊健：「佢咁多年冇變，好似食咗防腐劑。」但提到其男友鄭中基在泰國錄影《美女廚房》時被指女，未知阿 Sa會否向男友問及此事？她笑說：「唔使啦，我日日都仔 o架啦。」又問她有否呷醋？她即力撐男友：「好難叫人唔望嘢，對眼望吓嘢好正常。」在旁伊健則讚阿 Sa變靚了又識打扮，對於阿 Sa指他吃了防腐劑，伊健笑說：「我同城城食埋同一隻。」不過城城就認為自己有改變，他說：「比 10年前老咗，心態成熟咗，男人味重咗，有皺紋 man啲， 10年前皮光肉滑唔夠 man。」唐嫣則謂被城城扮演的步驚雲電倒，自己也想跟他多演親熱戲，「我的角色是楚楚嘛，我很愛步驚雲。」採訪、攝影：丁寧


男 fans突然衝上台向伊健（中）獻花，在旁阿 Sa一味儍笑。