郭富城被指背着緋聞女友熊黛林（ Lynn），偷嗒在圈中浮沉的王秀琳（ Mango），昨日二人分別在不同場合出現，城城心情超好， Mango則表示不知城城與熊黛林拍拖，會繼續與城城做朋友，對城城的行蹤更瞭如指掌，知道他一早要到外地探訪。

郭富城昨早現身機場，以聯合國兒童大使身份前往泰北湄洪頌探訪，心情明顯比早前出席活動時愉快，問他心情如何？城城微笑道：「心情幾好，做善事心情特別好。」城城會到當地探訪小朋友，問他可有助養小孩，他說：「我冇助養呀，助養我覺得好大責任，唔係只係畀錢佢讀書，仲要陪佢哋，未有心理準備。」

四大天王中只有他還是單身，問城城可有結婚的準備，他說：「每個人都有唔同睇法，我會支持佢哋，最緊要開心幸福，都會祝福佢哋，我呢一刻覺得暫時未適合結婚，仲有好多理想未做，家我同工作結婚先。」問他會否即興結婚且是否不會公開？城城說：「即興，煮麪咩？我個人咁心直口快，結婚一定同大家講。」至於其最新緋聞女友 Mango，昨午則在銅鑼灣出席 PSP活動，她強調與城城是相識很久的朋友，她說：「做得呢個圈都係朋友，互相幫助，我有乜嘢唔明都會問佢。」對於知否城城昨早往外地探訪？ Mango說：「我知呀，我哋有聯絡，大家係朋友就會繼續聯絡，唔會特別避忌，係 friend之嘛。」問到有沒有機會發展？她說：「做朋友好好，可以一直 keep住，冇諗過要做女朋友。」

熊黛林與城城的緋聞經常見報， Mango對此毫不知情，令人費解。　資料圖片

城城昨日起程到泰國進行探訪，對於與王秀琳的緋聞，他不願多提。

Juno由 o靚模 Rainbow（右）及 Monique以性感打扮陪同出席活動，但他全程目不斜視。

講到城城被指「偷芒」， Mango就變成第三者，她說：「字眼好核凸囉，第三者都係啲記者自己寫。」問她可知城城與阿 Lynn拍拖？ Mango說：「我唔知呀。」又謂她與阿 Lynn並不相熟，只是很久以前同場做騷，如二人再度同場可會避免合照？ Mango說：「唔會，都唔怕囉，有乜要怕呢。」採訪：胡比攝影：林德雄、陳志嵐


王秀琳早前被拍到和城城同車密遊，昨日她出席活動時例牌否認緋聞。