四大天王中，現在僅是郭富城仍屬未婚，近年他和熊黛林（ Lynn）的情侶關係已屬半公開，當眾人以為 Lynn穩坐城嫂地位之時，日前城城竟被撞破約會過氣歌手王秀琳（ Mango）。前晚城城在事件曝光後首度亮相，到會展出席 Gucci時裝騷，問他是否有新戀情時，他說：「朋友，只係順路車埋佢，小事一則，希望大家唔好諗咁多。」至於當日和 Mango原先打算去那裏，城城堅持不回應，聲言一切已交代清楚。提到 Lynn身體不適，他可有慰問？城城直言：「睇到呢啲報道梗係唔舒服，我都唔舒服。」若果如劉德華般公開另一半便可解決問題，城城竟說：「我唔明你呢個問題。」

城城和前緋聞女友 Amanda S.（箭嘴示）一同看 Gucci騷，但兩人坐得相距甚遠。

曾跟城城傳緋聞的名模 Amanda S.也有到場，提到城城與 Mango的緋聞，她說：「佢係 sexy guy，同好多女仔都好襯，不過表面合襯唔代表內裏係 match。」同場的范姜透露腹中胎兒是女孩，她說：「阿 B（鍾鎮濤）好開心，佢仲話生得幾多得幾多。」採訪：胡比攝影：彭琮然、林德雄


前晚城城回應和 Mango（小圖）的緋聞時，一反常態面色一沉，不願多談。