上個禮拜六、日（八月一、二日），城城郭富城响台北小巨蛋舉行《舞林正傳Part 2》演唱會。濕身勁舞依然係演唱會高潮位，台灣傳媒更以「巨鵰」形容城城嘅雄風。

响香港，一個人形咕好似搞到道德觀念淪陷，但思想開放嘅台灣，絕對事無不可對人言，更有記者追問城城身邊人，深入了解「巨鵰」演變過程。據一名工作人員講：「秘密就是兩條肉色棉質子彈內褲，底層較厚，外層較薄鑲滿閃片，厚到連毛都不可能跑出來！」內容三級，但句句真實，下屆港男不妨一試。

「巨鵰」一出，城城班女fans表現如狼似虎，就連雨褸都唔著。

香港天氣又熱又焗，台灣部分地區更出現39嵖高溫，睇吓城城巨型汗珠，就知有幾熱。

專登搵張叔平做過三套新衫，呢個MJ look係城城專登造嚟向偶像致敬。